Geitfonnegga i Geiranger

Turen til Geitfonnegga har jamn og tildels bratt stigning heile vegen. Frå toppen er det flott utsikt både utover og innover fjorden. Det er ikkje ein spesielt lang tur, så kan passe som ein kort dagstur eller ettermiddagstur.

Turen startar ved parkeringsplassen på Korsmyra (620 moh). Frå Korsmyra kryssar ein Fv 63  og går første km på skogsveg til Haugsetsætra. Herifrå går det opp og opp på ei godt merka rås vel 800 høgdemeter. Turen til topps tek ca 2-3 t. Frå toppen er det ei flott utsikt over Geirangerbygda og fjorden.
Det er skilta på Korsmyra og på Haugsetsætra og med V’ar elles. Turen er gått opp med GPS.

Parkeringsplass på Korsmyra. Høgste punkt på strekninga Geiranger-Eidsdal. Cirka 15 minutt køyring frå Geiranger og Eidsdal. Rutebussen passerer parkeringsplassen.