Gamle Setrevegen - rundtur

Turen vandrar gjennom eit ope landskap kor det står eit gamalt Vakjarhus. Høgare opp ligg "Fossane" som er ein elvafoss, som kan begeistre stort under snøsmeltinga. 

Rundtur: Du startar i Kolhola fylgjer skiltinga opp vegen til du ser skiltet "Gamle Setervegen". her ser du stien på venstre side. Herifrå fylgjer du stien til du treff setrevegen på toppen, gå så til høgre ned setrevegen. Rett før bommen tek du igjen til høgre inn på ein traktorveg som ender opp i Kolhola der du starta. 

Frå Ørsta sentrum køyr i retning Sæbø, ta av i krysset merka Mosmarkvegen. Kjør på Mosmarkvegen til du kryssar ei bru og har passert ein gravplass. Ta til venstre i fyrste kryss etter gravplassen merka Mosetra / Setrevegen. Køyr i 3 km til du kjem til eit stort opent Y- kryss, du kan velge å parkere her eller ta vegen til venstre ned til Kolhola og parkere innafor grinda. Parkering på eget ansvar når det er dyr i utmark. Setrevegen er bomveg og betales via Vipps.