Fyrlykta i Volda sentrum

Turen til Fyrlykta er ein kort og tilgjengeleg tur på moloen i Volda sentrum. Fyrlykta på moloen i Volda er lånt ut til Volda kommune frå Dalsfjord fyrmuseum og er, i tillegg til å vere eit seglingsmerke for sjøfarande, plassert på moloen for å markere at svært mange frå vårt område – gjennom fleire generasjonar -  har delteke i arbeidet med å montere og vedlikehalde fyr- og sjømerke langs heile norskekysten. Det er også bygd ein «fjordportal» ved fyret der det går an å kvile seg på benkar og oppleve nærkontakt til fjorden og landskapet. Ein kan også ta innover seg livet i sentrum. 

Sidan turen er i sjølve sentrum har ein tilgong på fleire parkeringsplassar i nærleiken. Parkeringsplassen ved Coop Mega er nærmast.