Fyrdsheida

Turen går på god sti gjennom fin furuskog. Det er flotte utsiktspunkt undervegs og på toppen har du fin utsikt ned mot m.a. Fyrde og ut Voldsfjorden. Det kan vere fint å sjå solnedgangen frå Fyrdsheida. 

Start ved parkeringsplassen ved Austefjord skule. Kryss vegen og følg smal grusveg forbi eit par hus/hytter. Det er skilta mot Lisjedalen. I enden av grusvegen går du gjennom ei grind, over ei mark og gjennom ei ny grind. Husk å late att grindene etter deg! Du kjem no inn på stien som du skal følge vidare oppover. Ved (N62° 04.144' E6° 19.608') - 200 m.o.h. - kjem du inn på stien som kjem frå byggefeltet i Fyrde. Her er det skilta til Lisjedalen. I 400 m høgde, like etter eit utsiktspunkt (Sprengebakken), tek du av opp til Fyrdsheida. Det er merka med merkepinne der du skal ta av. Følg merka sti vidare heilt til topps. Ruta er merka med merkepinnar og nokre skilt heilt frå start.

Det er nokre våte parti undervegs og litt røter og berg, så det er lurt med gode sko

Dersom du går rett fram i staden for å ta av til Fyrdsheida, kjem du opp til Litledalssætra