Dyrshamrane

Dyrshamrane er eit fint, men lite kjent område i Ørskog. Her finn du flotte berg og knausar med god utsikt.

Følg stien til Høgsvora opp langs elva. Her er det ein del våte parti. Kryss elva etter godt oppgått sti. Fortset etter denne stien heilt til du kjem opp på ryggen til Høgsvora. Her tek du av stien og følgjer ny sti som er godt merka med raude merkepinnar vidare mot Dyrshamrane. Stien går over og ned mellom svaberga før den går vidare over rabbane opp mot berga på Dyrshamrane. Her er det våte parti over nokre mindre myrområde. Oppe er det tørt og fint og mange små knausar. Det høgaste punktet gir utsikt mot Tresfjorden. Vi har valt å legge endepunktet for stien nærmare bygda med utsikt mot Vaksvika. Følg merkepinnane heile vegen. Gå likevel gjerne over heile høgdedraget for variert utsikt i alle retningar.