Ny byvandring i Fosnavåg sentrum, etter at gangbrua Vågsbrua opna, hausten 2020. Passar godt som søndagstur med familien, eller for deg som vil ha ein fin spasertur i urbane, historiske og spennande område.
Du kan gå over kanalen på ytre del av Fosnavåg Hamn, ved å trykke på knappen slik at gangbrua kjem over og hentar deg!
No kan du oppleve den nye bydelen på Vågsholmen med moderne bolighus, gå langs vågen på moderne trekaier, før du går vidare over Urholmen, og gjennom historiske Nørvågen med idylliske småhus. Her kan du sjå på dei gamle båtane som ligg ved Herøy Kystlag på Slippen. Du kan oppleve fiskebåtar som kjem for å levere fangsten ved eit moderne fiskemottak, og sjå gamle historiske bygg som ikkje lenger er i bruk. Vidare går turen gjennom byparken i Fosnavåg med benkar og gapahukar, og grillhytte. Turen kan avsluttas i sentrum av Fosnavåg, der spisestader og butikkar ønskar deg velkommen innom.
Følg fv 654 inn til Fosnavåg sentrum, parkering p-hus ved Thon Hotel Fosnavåg, i byparken, eller ved Meny-butikken i Fosnavåg / Vågsplassen. Turen startar bak REM-bygget, aust for parkeringa ved Vågsplassen.
| Underlag | Lengde i km |
|---|---|
| Asfalt | 2,3 |
Last ned appen med audioguiden Voice of Norway, velg Havlandet komplett. Da har du guide med på turen, og kan høre historiane om fiskeri i Herøy og Fosnavåg, om Slippen, og om Voldnes-familien som var med og skreiv Fosnavåg si historie.
Køyreskildring
Print ut
