Blåfjellet/Sandhornet

Kjært fjell har fleire namn. I Dalsbygda kallar ein fjellet Sandhornet, på Folkestad heiter det Blåfjellet. Turen startar ved Litlebøvatnet. Ei forholdsvis kort rute til topps der ein har flott utsikt

Turen startar 650 m.o.h. ved Litlebøvatnet. Gå over demninga og sikt deg inn mot toppen. Det er ingen tydeleg sti så du må finne di eiga rute. Terrenget er ganske lettgått og det er fin ur så det er ikkje vanskelig å lage seg ei rute til toppen. Du kan også velge å skråe mot aust dersom du ikke vil gå så bratt, og så dreie mot vest når du kjem opp på høgda. På toppen finn du to vardar, ein med skilt Blåfjellet og ein med skilt Sandhornet. Ta deg tid til å nyte utsikta frå toppen!

Returen går ned langs ryggen mot vest. Litt bratt nedstiging, men stien er tydeleg og god. Når du er nede frå ryggen og det ikkje lenger er sti, siktar du deg inn mot ei tydeleg langsgåande grøft. Det går ein god sti/veg langs denne grøfta og tilbake til start.