Bentebu

Gapahuken Bentebu ligg vakkert til i fjellsida over Urke. Eit perfekt turmål for ein kort fjelltur eller som rasteplass på veg til Saksa.

Frå parkeringa ved Urkeelva går stien opp gjennom skogen. Etter ca 250 meter kjem du til ein grusveg. Ta til høgre her og hald fram på vegen til det går av ein skogsveg/sti til venstre forbi hytte. Stien går no opp mot Leknesdalen. Når du kjem opp på kanten til Leknesdalen får du gapahuken Bentebu på høgre side, eit flott utsiktspunkt.

Frå vest: E39 til Ørsta, ta av i Ørsta sentrum på FV 655 skilta til Sæbø. Ta ferje frå Sæbø til Leknes (NB sjekk ferjeruta, lenge mellom kvar avgang) Frå Leknes ferjekai ca 1,8 km til Urke. Ta til venstre rett etter Urke landhandel. Parkering etter ca 100 meter. Frå aust: ta av frå FV 60 ca 4 km etter Hellesylt og kjør FV 655 til Urke. Ta til høgre rett etter Urke elva/campingplassen. Turparkering etter ca 100 meter.