Benkjen oppå Legene - Åheim

Turen opp på Benkjen er ein kort og lettgått tur med nydelig utsikt utover Vanylvsfjorden. Dette er ein tur som passar dei minste også veldig godt, men god veg opp til brønnen og fin skog å gå gjennom dei siste 100 meterane. Passar fint å ta med kveldsmaten hit å nyte utsikta. 

Dette er ein flott tur for folk i alle aldrer. Det er flott grusveg å gå på heile vegen til brønnen, med benk når du er omlag halvvegs framme. Turen startar med slak stigning dei første 500 meter før det vert noko brattare siste stykket før brønnen. Framme ved brønnen held du til venstre og følg skilt Rasteplass 100 m. Her går du over på god sti og spennande skog for dei minste. Hald til venstre når stien delar seg like etter du har gått inn på stien. Like før du er framme ved turmålet kjem du ut av skogen og ei nydeleg utsikt over mot Stad og utover Vanylvsfjorden åpnar seg.