Bekslehornet, rute 62

Ein forholdsvis lettgått tur. Turen startar på Bekslesætra som ligg mellom Bekslevatnet og Juvatnet nær grensa til Sogn og Fjordane. På Beksle var det sæter-/støylsdrift i eldre tider. Det var også møteplass for folk frå Sunnmøre og Nordfjord.Bekslevatnet og Juvatnet er gode fiskevatn. Flott utsikt frå Bekslehornet. Om ein vil gå ein lenger tur er ruta mot Heida og ned til Kvilehytta eit flott alternativ.

Ruta startar frå Beksle, som ligg ved Fv 61 mellom Åheim og Bryggja/Maurstad. Frå parkeringa går ein grusveien austover. Der stigninga startar er det skilt som viser retninga. Det er godt synlig sti og ruta er godt merka. Ein går ryggen oppover og det er lett å finne fram. Eit par hundre meter før toppen kjem ein til ein stein der det er skilta vidare. Her tek ein til høgre og går rett opp mot topp-punktet.