Apalviksætra frå Skodje kyrkje eller Hanslia

Flott tur i åpent landskap med utsikt mot fjella rundt. Frå Hanslia er det småkupert terreng innover myrane. Mellom kyrkja og Hanslia er det 2 bratte bakkar ein må opp. Denne delen krever gode snøforhold før den blir kjørt opp.

Frå kyrkja går løypa over jordet og opp skileikbakken på Bakkemarka. Vidare følger den ein gamal skogsveg mot Hanslia. Midtvegs her er det ein bratt motbakke. Etter å ha kryssa vegen øverst i Hanslia går løypa forbi det nye høgdebassenget til vassverket før den svinger nedom Litletjørna. Vidare går turen i eit åpent og ganske flatt landskap innover myrane til du kjem til Albuskaret. I løypekrysset her tek ein til høgre og løypa har litt stigning siste biten opp til sætra.