Kort og barnevennlig tur, med fantastisk utsikt mot Vartdalsfjorden og Vartdalsfjella. Langs ruta ligg ein benk som er ein populær rasteplass.
Frå parkeringa fortsett du vidare inn Hamnavegen omtrent 600 meter, til du tek av mot høgre inn på Korshamna. Hald fram vidare inn på Åsevegen. Følg grusvegen innover. Etterkvart kjem ein til eit privat tun, her er det tilrettelagt med sti ned til venstre. Unntaksvis kan dei som av ulike grunnar (t.d. barnevogn) ikkje kan ta seg fram på den tilrettelagte stien, kan passere gjennom tunet. Hald fram på stien til du når målet ved gamleåsen.
Frå sentrum, ta av mot riksveg 5886. Fortsett omtrent 5km, til du tek av mot Vågsvegen og held til høgre inn på Hamnavegen. Parkering ved fotballbana. Ingen avgift.
| Underlag | Lengde i km |
|---|---|
| Asfalt | 1,4 |
| Grus | 0,9 |
| Sti | 0,2 |
Huset framme ved turmålet er truleg bygd 1875-99, og er eit av dei eldste bygga i kommunen. Tunet her vert kalla "gamleåsen". Rett før det private tunet kan ein også ta til høgre for nå ein annan fin tur; Åsefjellet. Frå gamleåsen kan ein fortsette vidare til Engeskaret gjennom ein skog.
Køyreskildring
Print ut
