Det er få gonger ein får så godt betalt for innsatsen sin som når ein tek ein tur opp lia til Åsbøsnytå. Turen opp er godt overkommeleg for dei fleste, og utsikten frå toppen er formidabel.
Frå parkeringsplassen følgjer du merka rute opp mot toppen av Åsbøsnytå. Du går først etter skogsveg, men tek etter ei stund av frå denne og inn på ein sti på øversida av skogsvegen. Det står ein benk på nersida av skogsvegen like før du tek av inn på stien. Stien er for øvrig ganske tydeleg, og derfor lett å følgje heilt fram. Den går delvis over myr, så bruk fottøy som tåler vått terreng. Berre ein plass, etter at du har kome ut av skogen, deler stien seg. Du går da vidare mot Snytå i skilta retning mot venstre.
Køyr innover Todalsvegen til du har passert heimane på Åsbøen. Etter ca. 4 km frå Todalskrysset, før du kjem inn til Nordvik, skrår det ein skogsveg oppover på øversida av vegen. Den er lett å kjenne igjen på den flotta jarngrinda som er godt synleg nede frå vegen. Køyr oppover denne vegen til du kjem til ein romsleg parkerings-/lunningsplass. Her sett du frå deg bilen, og herifrå er turen merka. Dei første skilta står litt ovafor parkeringsplassen.
Det er kyr på beite i området både der stien går og der du parkerer. Ver nøye med lukking av grinda når du køyrer opp mot parkeringsplassen. All ferdsel og parkering er som vanleg på eige ansvar.
Køyreskildring
Print ut
