Vikehornet

Vikehornet ligg over Syvde sentrum med utsikt utover Syvdsfjorden. Du ser også det meste av fjella i Vanylven. Turen til Vikehornet frå Nordalen er ein lang tur, men går i lett og fint terreng.

Turen til Vikehornet startar fremst i Nordalen. Følg fjellvegen ca 3,3 km framover mot Kvanndalsvatnet, ca 500m før vatnet tek du til høgre opp sida mot Skoravatnet. Når du kjem opp til Skoravatnet kan du gå enten på sørsida eller på nordsida av vatnet og vidare over kanten til Sandfjelldalen på lavaste punktet. Derfra går du ned i Sandfjelldalen kor du tek til høgre og går nordover dalen og siktar på lavaste punktet mellom Sandfjellegga og Nyklen. Når du kjem opp hit ser du rett bort på Vikehornet. Her er du på høgste punktet på turen. Herifrå går du mot nordvest beint på toppen. Du må ca 200 hm ned på flata før Vikehornet og ca 100 hm opp til toppen. Etter kvart som det vårast går det å køyre lenger og lenger opp fjellvegen, og skituren vert tilsvarande kortare.