Tjønnmyran

Lysløypa i Todalen er ei lita perle fleire burde oppdage. Ho går i lett terreng: Det er berre éin bratt bakke, og denne kan ein unngå ved å gå att og fram same vegen. Her kan dei sprekaste i familien gå fleire rundar medan minstemann går sin eine. Like ved startpunktet er det også ein triveleg rasteplass med gapahuk, bålplass og toalett. 

Lysløypa i Tjønnmyran er ei sløyfe på ca 1,6 km. Du finn Stikk UT!-posten omtrent halvvegs i lysløpa, der du snur og går mot startpunktet igjen. Sidan løypa er ein rundtur, kjem du fram til turkassen uansett kva veg du vel å gå. Held du til venstre når du kjem ut frå parkeringsplassen, får du den flataste traseen.