Thereseråsa

Thereseråsa er ei av fleire populære råser i Bondalen/ved Sæbø. Turen går på god rås gjennom gran- og lauvskog, og ved enden av råsa er det flott utsikt og fin uteplass. Undervegs finn du fine steinar, troll og andre overraskingar. Ein populær tur for store og små.

Start ved ei grind der det står "Thereseråsa". Stien er tydeleg heile vegen og er merka med raude hjarte. I omlag 360 meter høgde (N62° 12.516' E6° 25.429') kjem du ut av granskogen. Vidare er det lauvskog og når du kjem til enden er det fin utsikt og ein fin uteplass. Her er det sitteplassar og bålpanne. Ved (N62° 12.510' E6° 25.580') i 300 meter høgde kan du gå over til Nøvedalen. Her er svakt merka på nokre steinar.