Svorka og Bjorvollen

Dei erverdige, gamle stuebygningane i Svorka er høgdepunktet på turen inn til Bjorvollen i Bøverdalen. Dette er staden som er opphav til dei mange humoristiske Svorkahistoriene som enno lever på folkemunne i Surnadal. Vegen innover går i lett terreng med relativt lite stigning, og her kan ein både gå, sykle og trille med barnevogn.

Frå parkeringa følgjer du merka sti innover skogsvegen forbi husa i Svorka og vidare inn til Bjorvollen. Under løa på høgre side av vegen kan du raste før du går tilbake.