Svedehornet

Turen til Svedehornet er ein lett tur der du får flott utsikt ut mot havet og mot Sandsøya, Riste, Voksa og Kvamsøya. Du ser også inn Syvdsfjorden og fjella i Vanylven. Larsnes IL har trimpost på Svedehornet.

Turen byrjar ved parkeringsplassen på toppen av Drageskaret, den går etter fjellryggen Langhamrane opp til kvilesteinen, når du har passert kvilesteinen og kjem opp på kanten deler råsa seg, du tek då til høgre og går råsa som går søraustover etter fjellryggen til du kjem til foten av Svedehornet, då tek du til høgre og går bratt opp dei siste 80 meterane til toppen.

Drageskaret på fv 61 mellom Larsnes og Gursken. Parkeringsplass på toppen av Drageskaret