Svartvatnet

Ein tur til Svartvatnet har jamn stigning, men er kort, og passar derfor like godt til ein treningstur på ettermiddag som ein søndagstur saman med dei minste. Eller kva med ein overnattingstur? Rundt vatnet er det nemleg fleire stadar som er godt eigna for camping, og tek du med fiskestonga, er det også muleg å prøve fiskelykka. 

Gå opp etter skogsvegen som startar ved parkeringa. Dersom du følgjer denne vegen oppover, og ikkje går inn på sidevegar, hamnar du ved Svartvatnet.