Sundet

Denne turen passar godt for småbarnsfamiliar, og kan også trillast. Turen går på grusveg gjennom skog og flotte omgjevnadar på nordspissen av Eika, og ved turmålet får du flott utsikt inn mot Eiksund og utover Vartdalsfjorden.

Turen startar rett aust for innkøyringa til Eiksundtunellen på Eika, der det er stor parkeringsplass. Herifrå går ein på grusveg i søraustleg retning før ein kjem til eit vegkryss etter ca. 200 meter. Her tek ein til venstre for å gå til Sundet på nordspissen av øya.

Frå Volda/Ørsta, ta Eiksundsambandet gjennom Eiksundtunellen, og sving til høgre før Eiksundbrua. Frå Ulstein/Hareid/Fosnavåg, køyr mot Volda/Ørsta, og ta til venstre rett før Eiksundtunellen. Parkering rett etter avkjøring. Gratis parkering ved start.