Sulebakkhornet

Følg kjerrevegen opp mot gardane på Sulebakkane. Like før du kjem til første garden står eit skilt med Turveg, følg denne. På første garden bur Nils Storås, kjent frå «Der ingen skulle tru….». Følg vegen vidare til venstre og neste gard, Sulebakkane. Etter denne garden går ein over på rås og denne kan vere våt og tidvis glatt. Ta difor på gode sko, med god såle. Følg god sti til du kjem til ei raud hytte, akkurat over tregrensa. Den mest brukte råsa vidare til Sulebakkhornet går rett til høgre for og bak hytta. Frå hytta går ein ganske bratt opp fjellsida og på toppen er fleire vardar. Registreringsbok er ved den største varden til venstre når du kjem opp.