Storetua

Storetua er nest høgste fjellet i Sande med utsikt over store delar av ytre søre og Sunnmørsalpane, du ser også heilt til Hornelen. Storetua er også kjend for alle vardane som står langs ryggen. Gursken IL og Gurskøy IL har trimpost ved den austlegaste varden, Gjerdsvika IL har trimpost ved den vestlegaste varden som er høgaste punktet på Storetua.

Start ved vassverkshuset på Holtane, der står turkart på husveggen. Gå først ned bak vassverkshuset og følg traseen til vassverksveita til du kjem til skiltet Storetua 592, ta då til høgre og kryss elva og gå oppover på austsida av eit elvefar, råsa kjem opp på kanten ca 200 m austapå den austlegaste varden, då går den mot vest opp til varden. Dersom du vil nå det høgaste punktet på Storetua går du vestover langs alle vardane, den vestlegaste markerer høgste punktet.