Fin tur i vakker og til dels vill natur til setra for gardane på Grønnngsæter. Stølen ligg 550 moh., ved inngangen til Steindalen. Setra og setermarka ligg i Reinheimen landskapsvernområde. Området vert brukt til sauebeite.
Følg skilting. Fin, oppmura rås gjennom skogen på høgre sida av elva oppover til Steindalsstølen. Dette er også ei DNT-rute. Under krigen fekk folket på Grønningsæter tilskot frå staten til å byggje setervegen. Vegen var bratt og svingete og det var eit storarbeid med handboring og sprenging og bygging av bru.
Ta av frå fv 63 mellom Valldal og Trollstigen ved skilt til Grønningsæter, ca 20 km frå Valldal sentrum. Køyr heilt til enden av vegen (bomveg frå siste tunet). Parkering ved enden av bomveg 1,5 km etter siste garden på Grønningsæter. Parkereing kan også vere mogleg ved gardane på Grønningsæter etter avtale med grunneigar.
| Underlag | Lengde i km |
|---|---|
| Sti | 1 |
Ved å følgje råsa vidare fra stølen innover dalen, kjem du til Tjønnebu (ca 5 km) og Vakkerstøylen (ca 18 km). Dette er Ålesund og Sunnmøre Turistforening (ÅST) sine hytter. Om lag midtvegs mellom Steindalsstølen og Tjønnebu kjem du inn i Reinheimen Nasjonalpark.
Køyreskildring
Print ut
