Solligjerdet

Solligjerdet ligg oppi lia rett ovafor Bøfjorden og Bæverfjord oppvekstsenter, og turen opp dit er bratt, men kort. Plassen var bebygd til utpå 1600-talet, og viss du leitar, kan du enno sjå spor i terrenget etter bygningane som stod der da plassen var bebygd.

Frå Bøverfjorden tek du av oppover Bøverdalen. Eit par hundre meter etter at du har passert Bøfjorden og Bæverfjord oppvekstsenter, ligg det eit steinbrot på øversida av vegen. Herifrå går du oppover lia etter skogsvegen. Ganske raskt skimtar du gapahuken til skuleungane i grenda. Eit par hundre meter lenger opp deler vegen seg. Sving til venstre og fortsett oppover i retning ut fjorden. Du kjem snart inn i eit granfelt, og når vegen deler seg på nytt, svingar du oppover til høgre. Gå til enden av skogsvegen. Der går du rett opp nokre få meter til du ser stien som fører deg vidare innover igjen og oppover mot Solligjerdet.