Slokevatnet er eit fint turmål med moglegheiter til bading og leik ved vatnet. Her er også tillaga grue så ein kan tenne opp bål og grille. Du får også gå Kyrkjevegen og kan stikke innom ein hellar på denne turen.
Frå Almestad: råsa byrjar på austsida av grushola, går så gjennom skogen,over elva og over myrane og opp Kyrkjevegen. Sjå bilete på turen til Vasshornet. Råsa går over nokre bratte berg øvst i Kyrkjevegen, når du har passert dei tek du til høgre ved skiltet Vasshornet Slokevatnet. Ca 80 m overfor skiltet i retning mot Vasshornet ligg det ein hellar bak og under ein stor stein, inngangen er på austsida av steinen.(Sjå omtale på turen til Vasshornet.) Fra skiltet går du over myrane, og på nordsida av Tødenesvatnet og vidare over myrane til Slokevatnet.
Frå Tødeneset: råsa startar ved garasjen og går bratt opp gjennom skogen. Når du kjem oppom skogen går råsa over berg og gjennom ei steinrøys. Råsa kjem opp på søraustenden av vatnet. Her er det flott utsikt over Rovdefjorden og Rovdefjella.
Råsa er godt merka og skilta.
| Underlag | Lengde i km |
|---|---|
| Sti | 3 |
Køyreskildring
Print ut
