Saksa

Saksa ligg på austsida av Hjørundfjorden og har ei fantastisk utsikt.  På denne turen kan du i tillegg oppleve ein flott gapahuk, restar etter gamle setrer, sherpalagte trinn i steinura og eit gamalt bjørnehi i Leknesdalen.

Frå turparkeringa ved Urkeelva går stien opp gjennom skogen. Etter ca 250 meter kjem du til ein grusveg. Ta til høgre her og hald fram på vegen til det går av ein skogsveg/sti til venstre forbi hytte. Stien går no  opp mot Leknesdalen. Når du kjem oppå kanten til Leknesdalen får du gapahuken på høgre sida, der er eit flott utsiktspunkt. Når du kjem oppi Leknesdalen går råsa mot nord i store svingar opp til steinura, då går råsa i sikksakk på hellelagde trappetrinn opp til toppen.

Denne turen går til den sørlege toppen på Saksa, høgste punktet ligg på den nordlege toppen, råsa dit går bratt ned på nordsida av den sørlege toppen, over den midtre toppen og til den nordlege, turen frå den sørlege toppen til den nordlege toppen er luftig, og ikkje å anbefale for dei med høgdeskrekk.