Ruggå i Fjørå

En fin tur i lett terreng for heile familien. På Ruggå er det tilrettelagt med ei grindløe som er open for alle. Prøv også å klatre opp og rugge på Ruggesteinen, ein stor stein på kanten mot Valldalen, som har gitt namn til staden. Steinen kan ruggast på om ein er fleire i lag, og du vil høyre ein karakteristisk "hjertelyd"/dunking. 

Gå frå parkeringsplassen på Hauge, kryss bilvegen og følg gardsvegen som går gjennom nærmaste tunet, rett oppom parkeringsplassen. Gardsvegen går tett forbi to bustadhus og ei gammal løe som ligg på høgre hand, og ei nyare løe på venstre hand. Dette er ein god traktorveg som du fylgjer om lag 500 m oppover innmark, vegen slynger seg gjennom graskledde marker og forbi høyballar og ei gammal utløe.
NB! Vi minner om at dette er ein driftsveg for garden og at du som besøkande må gå til sides om du møter traktor langs vegen.

Øvst på bøen går ruta over i sti (skilta), så vidare oppover i terrenget til stidele med fleire turskilt. Følg skilting mot høgre/aust; Ruggå 0,2 km. Turen til Ruggå tek totalt 30-45 minutt ein veg, i roleg gange.

På Ruggå finst det rastebenkar, utedo og ei grindløe som er open for alle. Bruk dei gjerne, og hugs å rydde etter deg. Det er fin utsikt ned i Valldalen, ein ser heilt frå Jamtegarden og fram til Gjerde. Jordbæråkrane er lette å få auga på!

NB! Om du har hund må du hugse å ta med deg hundeposane og ikkje sette dei att langs turvegen!

Følg fylkesveg 92 frå Valldal sentrum og gjennom tunellen til Fjørå (5 km, retning Tafjord). Frå krysset ved naustrekka i Fjørå, følg skilta veg i svingar oppover i lia til Selboskar. I øvste svingen, ved nokre hus, sving til høgre og følg vegen til merka parkeringsplass, ca 250 meter frå svingen. Parkeringsplass Hauge, gratis parkering, plass til ca 15 bilar.

NB! Følg bilveg ved turstart, ikkje ta snarvegen over innmark/grasmark. Det er privat område og innmark skal ikkje kryssast.