Roskarristninga

Helleristningane i Roskaret. Denne turen går til det freda kulturminnet Roskarristninga som er ei helleristning truleg frå den eldre jarnalder. Roskarristninga ligg i eit område som var den vanlege ferdselsåra mellom aust og vest over Gurskøya. Der står gode informasjonstavler både ved rutestart og ved helleristninga.

Turen startar på parkeringsplassen ved garden Rødskar. Gå 20 m nordover til vegkrysset og gå vestover traktorvegen ca 450 m, ta så til venstre (sørover) og følg råsa bort til helleristningane.