Roparen (frå Alpinsenteret)

Surnadal

Oppdatert 16.05.2022

Dette vakre utkikspunktet i sentrum av bygda er eitt av dei mest populære turmåla i Surnadal. Mange som bur sentralt i Surnadal, kan gå til Roparen utan først å sette seg i bil. Turbeskrivinga her omfattar derfor berre den siste delen av turen, som er stykket alle må gå: Frå Surnadal alpinsenter og fram til turmålet.

Parker eventuelt på merka parkering ved alpinsenteret. Herifrå går du utover etter skilta rute i retning Roparen. Dette er ei strekning på berre ca. 0,9 km, så for mange som bur sentralt i Surnadal, vil det vera naturleg å la bilen stå og gå heimanfrå til dette turmålet. Frå rundkøyringa og opp til parkeringa ved alpinsenteret er det ca. 1 km, frå Amfi Surnadal ca. 2,2 km. Frå krysset ved Tørvollan er det ca. 1,7 km.

Startpunktet for denne turen er parkeringsplassen ved Surnadal alpinsenter. Viss du ikkje er lokalkjent, kan du ta utgangspunkt i Amfisenteret i sentrum av Surnadal. Køyr oppover Modalane i krysset som ligg rett ovanfor senteret og følj vegen fram til bygdas einaste rundkøyring. Her fortsett du rett fram etter Grytvegen. Avkøyrsla opp mot alpinsenteret er på venstre side av vegen og er skilta. Parker på merka parkering ved alpinsenteret. Gratis parkering ved startpunktet.

Fottur

Grønn

Lengde

0,9 km en vei

Stigning

52 m

Tidsbruk

35 min.