Rød

Gjemnes

Oppdatert 16.05.2022

Turen utover langs Gjemnesstranda ligg solvendt til, med flott utsikt over Batnfjorden. Det er lettgått, trillevennlig og muleg å følgje vegen eit godt stykke lenger enn ut til Stikk UT!-posten. Stikk UT!-posten er plassert i skogbrynet ved ein snuplass på grusvegen, med tenkt retur same veg tilbake.

Turen er lagt til grusvegen som går parallelt med E39 utover stranda. Du startar ved parkeringsplass på nedsida av Astaddalen natur- og friluftsbarnehage, og følgjer grusvegen bort gjennom lia. Følg denne beint fram til endes, her skal du over ei klopp over bekken før kjem du inn på ein sti gjennom eit kort skogsparti. Vel ute av skogen held du fram mot venstre på grusvegen utover stranda. Nokre hundre meter utover svingar vegen ned på ein lunningsplass ved E39, med grind på kvar side. Her er det også muleg å gå like i overkant av gjerdet på oversida av plassen. Målet for turen er på øversida av grusvegen.

Turen startar ved parkeringsplass på nedsida av Astaddalen museums- og friluftsbarnehage i Batnfjord. Med bil kan du frå kommunesenteret på Batnfjordsøra følgje E39 mot Kristiansund. Ta av til venstre om lag 400 m etter brua, og følg skilting mot Blakstad. Ta deretter første veg til venstre, og følg Solsidavegen opp mot boligfeltet i Solsida. Etter nye 450 m, ta første veg til høgre, og følg Haltbrekkvegen. Parkering på nedsida av barnehagen. Kjem du fra Kristiansund ta avkøyring mot Blakstad.

Fottur

Grønn

Lengde

1,72 km en vei

Stigning

59 m

Tidsbruk

1 t. 0 min