Rjåneskamben - Rønneberghola

Rjåneskamben har ei bratt, men kort oppstiging. Du blir belønna med ei fantastisk utsikt! Turen er tilgjengeleg store delar av året, då det er eit mildt klima her.

Start frå parkeringsplassen og kryss E39. Stien startar bak det siste huset før svingen, på oppsida av vegen Det er godt merka, god sti og lett å finne vegen. Det går bratt oppover lia, og nokre plassar må du også bruke hendene for å kome deg opp. Men det er ikkje utsatt klyving. Returen kan du ta same veg som du kom opp, men ved stidele omlag 210 moh (N62° 15.137' E5° 58.504') kan du gå stien som går forbi Rønneberghola. Det er skilta til Rønneberghola. Det er litt dårlegare sti, men godt tilrettelagt med tau på dei brattaste stadane. Du kjem ned litt lenger ute i svingen og må gå langs E39 tilbake til start. Ver varsam, det kan vere mykje trafikk.