Remøykammen og Vardane

Turen Remøykammen og Vardane går på langs over heile Remøya. Du har flott utsikt mot dei andre øyane i Herøy og mot Hareidlandet. Du har også utsikt utover mot havet. Dette er ein fin rundtur. Vardane vert også kalla Linken fordi der er ei telemast på toppen.

Råsa startar på austsida av steinbrotet og går oppover på nordsida av skogen til toppen av Remøykammen, frå steinbrotet og opp til Remøykammen er einaste plassen på turen der det er litt stigning, ellers går turen i slakt, fint terreng. Frå Remøykammen går råsa etter høgda vestover til Vardane, først nedover, deretter oppover til Vardane. Frå Vardane går råsa vestover og rundt Storevatnet, deretter austover og kjem ned ved øverste husa i Sævika, derifrå er det 2,6 km på asfalt på gamlevegen aust til steinbrotet.