Ein flott tur på idylliske Orten. Med rundt 10 fastboande,eit posthus og nokon gårdsbruk er dette ei fasinerande øy å besøke. Magisk både på ein finværsdag og i ruskevær.På turen passerar du fleire gårdsbruk, kyr som beiter ute og fuglar. I overgangen mellom sjø og land, på strender, svaberg og grunne viker,er det eit spennande plante- og dyreliv.
Frå fergekaia på Orten går du ca 20 m på asfalt, som går over i ein fin grusveg. Rett etter du har passert Posten på høgre side, kjem du til første vegskille. Der tar du til venstre. Så kjem du til eit hus med ein nydelig hage, her svinger veien og du held til høgre i vegskille. Ved neste vegskille, følger du vegen rett fram. Her går du på ein veg med bartrær på begge sider. Undervegs passerar du ei artig, lita hytte på venstre side. Etter kvart går grusvegen over til traktorveg, som igjen går over til sti. No ser du tydeleg det høgaste punktet på Orten, her står StikkUT!-posten. Herrifrå er det ikkje mulig med barnevogn eller rullestol. Siste 200 m går stien over ei myr, før den bratte stigningan mot toppen. Oppe på Rambjøra (28 moh), øyas topp-punkt, belønnes du med ei fantastisk utsikt over øya og heile Øyriket. Herfra er det fantastisk utsikt over Orten og Øyriket med bl.a Sandøya, Harøya, Ona, Midsund og Aukra. Og på finværsdager kan du se helt til Sunnmøre.
Denne turen er magisk både på en finværsdag og i ruskevær. Er du heldig, kan du sjå oter og havørn som er i sterk vekst. Litt av turen, går også gjennom ein liten skog av bartrær på begge sider av vegen.
Underlag | Lengde i km |
---|---|
Asfalt | 0,02 |
Grus | 1,5 |
Sti | 0,2 |