Øygardshalsen

Ein skitur til Øygardshalsen er ein fin lågterskeltur som går i relativt flatt terreng. Startpunkt for turen er klubbhuset ved skianlegget til IL Søya på Vang, og turen går etter oppkøyrd løypenett. Dette er derfor eit ideelt turmål for både store og små. Turmålet er rastebenken og turkassen ved Øygardshalsen der ein flott utsikt ventar deg.

Ved Vang skiarena parkerer du ved skilta parkering. Gå inn i lysløypa på venstre side av vegen og fortsett vidare i same retning du kom køyrande. Følj så Stikk UT!-skilta fram til Øygardshalsen.

Det kan vera lurt å ta utgangspunkt i vegkrysset som ligg på riksveg 670 ein stor km frå ferjekaia på Kvanne i retning Skei. På øversida av vegen her startar Røvegen. Herifrå er vegen mot Vang skiarena skilta, og det er i underkant av tre kilometer fram dit. Ved skiarenaen parkerer du ved skilta parkering.