Dette er ein veldig fin tur i slakt terreng og med storslagen utsikt til majestetane Skjorta og Ryssdalsnebba. Det er også fint å fortsette til det neste vatnet i retning Jordalsgrenda. Alternativt kan du avtale med andre i forhold til transport om å gå kvar sin veg. Nokon startar frå Gaddhaugen på Eresfjordsida mens dei andre starter frå Jordalsgrenda.
På Gaddhaugen parkerer du og følger til fots blåmerka stolper rett forbi dei to første hyttene til du kjem inn på tydeleg sti. Etter nokre hundre meter kjem du inn i Eikesdalsvatnet landskapsverneområde.Du følger stien langs venstre side av elva (vestsida) kalla Fremste Tverrelva, det er 2,36 km fram til kassa med turboka. Den er plassert ved det første vesle vatnet (779 moh) du kjem til i Nordmørsskaret. Tar du med deg fiskestang kan du godt prøve å fiske i det vesle vatnet. Alternativt gå ca 25 minutter lenger og opp til Trollbotnen 922 moh. Her får du garantert fisk. Men den er liten! Vis omsyn til sauene.
Husk båndtvang!
Køyreskildring
Print ut
