Nibben

Turen frå Bugarden til Nibben er eit av dei mest brukte turområda i Ulsteinvik, og går på grusa turveg/skogsveg heilt til toppen. Turen brukast av folk i alle aldrar, inkludert småbarnsfamiliar, eldre og også skular og barnehagar. Turen er også tilgjengeleg frå Skeide. Ved starten av ruta ligg friluftsområdet Bugardsmyrane, der det er tilrettelagt med bålpanner, gapahuk, og lyssetting på deler av vegen. Tufteparken Ulstein ligg også her. Deler av turen går gjennom ein tett granskog, og når ein kjem ut av granskogen har ein fin utsikt til Skeide og utover mot øyar og holmar i sør.

Første del av turen går på grusa turveg gjennom det idylliske friluftsområde ved Bugardsmyrane, og er tilærma universelt utforma. Vidare tek ein av til høgre oppover mot Nibben på ein skogsveg/traktorveg, som går sikk sakk gjennom ein tett granskog, og vidare utover til Nibben. Flott utsikt frå toppen.