Midtvatnet frå Bakke

Turen går i naturskjønne omgivnadar oppover langs Dønnemselva, forbi Bakkvatnet. Det er god veg heilt opp, og til rette årstida kan du plukke markjordbær.  Ved Midtvatnet finn du turkasse på venstre hand når du kjem opp bakken.

Turen startar ved informasjonstavla på Bakke. Herifrå følgjer du traktorvegen langs Dønnemselva opp Bakkdalen til Bakkvatnet. Her er det fint å raste inst ved vatnet før du fortsett turen opp til Midtvatnet. På veg ned att, er det flott utsikt ut over fjorden mot Gjemnes, Bergsøya og Frei.