Melshornet Volda/Ørsta

Melshornet er eit populært utfartsmål heile skisesongen, ypparleg topp som dagstur med familien eller til ettermiddagstrimmen. Mange tek også turen i mørket med lykt.

Skitur til Melshornet kan du ta frå Volda sentrum, Krøvelseidet og frå Volda Skisenter (Reset). Her er turen omtala med start frå og tilbake til Volda Skisenter. Frå skisenteret går du austover i løype som startar på oppsida av ei grindløde. Herifrå skråar det jamnt oppover til du møter ruta frå Helgatun/Krøvelseidet. Ver obs på at du kan møte skiløparar på veg ned på denne delen av turen. Ta sikte på austenden av den lange ryggen frå Grøthornet, og du kjem opp i ein liten dal, Skjervadalen, nord for lange skavlar. Resten av ruta er skrått terreng mot toppen. Retur same veg.