Levandehornet

Variert og fin tur på god sti. På toppen er det super utsikt: mellom anna til Molladalstindar, baksida av Saudehornet, ytste del av Dalsfjorden, Rovdefjorden og utover Breisundet.

Start frå parkeringsplassen, 360 m.o.h. Gå gjennom ei grind på høgre side av plassen (når du ser mot toppen). Stien svingar til høgre like etter at du har gått gjennom grinda. Følg stien til like før Litledalsvatnet (N62° 16.450' E6° 08.119'), 487 m.o.h.. Her skal du ta sti som går til venstre. Du må passe litt på når du nærmar deg vatnet så du ser kvar du skal ta av, sjå etter raude pinnar i trea. Følg stien heile vegen til topps. Det kan sjå noko skummelt ut siste sida til topps, men stien går godt innpå kanten og det er tydeleg å sjå kvar du skal gå. Du kan også velge di eiga rute. Gi deg god tid til å nyte utsikta på toppen .