Kjerringkjeftane

Flott tur som gjev ei fantastisk utsikt over indre del av Hjørundfjorden/Storfjorden, og spesielt ned til Finnes og Kalens. Turboka er plassert på det høgste punktet (1028 m.o.h), men skal du få med deg den flottaste utsikta bør du gå nokre hundre meter til du kjem fram på kanten rett oppom Finnes.

Turen startar ca. 300 m.o.h. og går frå Bakkedalsvegen og langs elva oppover mot Ryssadalen og vidare mot Kjerringkjeftane. Start er skilta på oppsida av Bakkedalsvegen. Første del av stien kan av og til vere litt våt, men så vert det tørt og fint når ein kjem lenger opp. Går normalt greitt å krysse elva, men kan vere litt vanskeleg ved spesiellt stor vassføring. Dersom ein vil ha ein lenger tur kan ein ta til venstre eit stykke før ein kryssar elva, og gå opp på Dukhornet. Så kan ein gå ned frå Dukhornet til Russadalen og så opp på Kjerringkjeftane.