Kamben på Bjørke

Ein lett tur som gir deg superfinutsikt når du kjem opp på Kamben. Passar for alle, også som familietur.

Start ved Bakketunet. Her er det skilta mot Kamben og Leira. Følg skogsvegen knapt 1,5 km. Der skogsvegen sluttar, svingar stien mot venstre. Du kjem til eit stidele der du kan velge å gå til Kamben eller over til Leira. Stien vidare til Kamben er merka. Du kjem om litt opp på myrlendt område. Her kan stien vere litt utydeleg, men sjå deg om etter merking så finn du vegen. På Kamben er det fin utsikt utover fjorden og mot Viddal

Køyr E39 frå Volda mot Hornindal/Stryn. Like før Kvisvtunnelen tek du av mot Bjørke og Viddal på Skjåstaddalen. Etter om lag 10 km kjem du til eit kryss. Ta av til høgre på Bjørkegardane, skilta mot Tyssefossen. Følg denne vidare, ta opp til høgre på Åkre etter 1,2 km og vidare, knapt 300 m, til du ser turstart (sjå etter turskilt). Parkering der turen startar. Pass på at du ikkje står i vegen for andre. Merk at den opparbeidde P-plassen er reservert Bakketunet.