Kalvedalen

Kalvedalen er ein idyllisk dal. Her er det eit vatn som du kan bade i eller som du kan fiske i.Det er ein lett tur som dei fleste klarer og utsikta mot sunnmørsalpane er upåklageleg. Du har flott utsikt til m.a. Kolåstinden

Gå grus-/traktorveg langs dyrkamarka. Rett etter at vegen svingar til høgre går stien opp til venstre. Stien er bra tydeleg heile vegen opp til Kalvedalen. Her er nokså vått terreng og det kan vere litt glatt nokre plassar, så godt fottøy er viktig. Oppe i Kalvedalen kan det vere fint å stoppe ved hytta. Men ein liten tur langs vatnet er også fint. Er det varmt og godt, freistar det kanskje med eit bad?