Turen til Julaksla gjev deg ei fantastisk utsikt over havet i vest og panoramaet av fjell i sør og aust!
Stien startar i vegkanten og etter få meter finn du ei informasjonstavle om området. Stien er ganske tydeleg i starten og ein får kjapt kjenne på motbakken. Der det er som brattast er det lagt ut sikringar. Det er bratt berre eit kort stykke før det flatar ut igjen. Turen består av fleire bratte stigningar og flate platå. Fleire stader dreier stien brått, andre stader er det "falske" stiar, men i slike område er ruta merka med raudt. Følg sti til toppen av fjellet, retur same veg.
Underlag | Lengde i km |
---|---|
Asfalt | 0,4 |
Sti | 4,8 |