English

Jarskar, rundtur Skarbø - Vestre

Ålesund

Kort om turen

På turen oppover mot Jarskar passerer du eit svært velholdt kulturlandskap, nydelege blomsterenger og hasselskog. Frå Jarskar har du flott utsikt over Storfjorden og Storfjellet på andre sida. Dette er ein idyllisk tur spesielt om ettermiddagen og kvelden. Turistskipa som går ut fjorden i kveldssola er eit imponerande syn. Du kan gjere dette til ein fin rundtur ved å gå vidare etter rås og skogsveg til Vestre. Følg gangvegen tilbake til utgangspunktet.På nordvestsida av Storfjellet ser du Ramstaddalen og Søvika i Sykkylven. På sørsida av fjellet ser du dei tre Skotsgardane. Du ser også fjella innover langs Storfjorden: Solliåsen, Hallvardsfjellet, Jolgrøhornet og lengst unna Grøtet i Eidsdalen.

Rutebeskrivelse

Parker ved Skarbø skule og gå opp i Skarbøfeltet. Etter ein skarp venstresving tek du av på ein skogsveg ganske bratt opp til høgre. På toppen av bakken går du til venstre forbi eit fint småbruk og held fram langs skogsvegen opp til postkassa som heng ved ei grind 1,7 km frå skulen. Her kan du snu om du ynskjer det, eller gjere turen til ein rundtur gjennom skogen på god rås / skogsveg over lia til du kjem ned på vegen på Vestre. Ta til høgre her og gå ned til hovudvegen. Følg gangvegen tilbake til Skarbø skule.

Adkomst og parkering

Følg riksveg 650 til Skarbø skule. Ved Skarbø skule. Her er det god parkeringsplass på nedsida av vegen.
Fottur
Blå
Lengde
6,3 km rundtur
Stigning
160 m
Tidsbruk
2 t. 0 min.
Sesong
Høst

Løype på kart

Valg for kartet:

Underlag Lengde i km
Asfalt 3,2
Sti 0,6

Offentlig transport

Buss mellom Sjøholt og Stordal. NB; - få turar pr. dag.

Kart

Ørskogfjellet
Kjørebeskrivelse
Print ut