Jarskar, rundtur Skarbø - Vestre

På turen oppover mot Jarskar passerer du eit svært velholdt kulturlandskap, nydelege blomsterenger og hasselskog. Frå Jarskar har du flott utsikt over Storfjorden og Storfjellet på andre sida. Dette er ein idyllisk tur spesielt om ettermiddagen og kvelden. Turististskipa i kveldssola er eit imponerande syn. 

Parker ved Skarbø skule og gå opp i Skarbøfeltet. Etter ein skarp venstresving tek du av på ein skogsveg ganske bratt opp til høgre. På toppen av bakken går du til venstre forbi eit fint småbruk og held fram langs skogsvegen opp til postkassa som heng ved ei grind 1,7 km frå skulen. Her kan du snu om du ynskjer det, eller gjere turen til ein rundtur gjennom skogen på god rås / skogsveg over lia til du kjem ned på vegen på Vestre. Ta til høgre her og gå ned til hovudvegen. Følg gangvegen tilbake til Skarbø skule.