English

Hornet

Volda

Kort om turen

Første del av turen går på ein flott opparbeid og hellelagd sti til Homborsetsætra. Turen vidare frå Homborsetsætra og til Hornet er merka og går delvis på sti. Hornet har flott utsyn inn Austefjorden, inn Kilsfjorden, ut Voldsfjorden og mot Sunnmørsalpane. Vil du gå ei anna rute ned att, kan du følge merking vidare til Vadsteinsætra og Vadstein

Ruteskildring

Start ved grinda på oversida av vegen ved skilt og turtavle. Hugs å late att grinda etter deg! Du går først på ein ny "geiteveg". Følg denne. Vegen svingar mot høgre og du er snart inne på stien. Store delar av stien er hellelagd og det er stort sett god raudmerking. Oppe på Homborsetsetra kan du skrive deg i turboka som er ved sela, men det er finast å ta pausa på sletta framfor sela. Der er det flott utsikt! Stien går vidare mellom sela. Gå såvidt opp bakken og så til høgre. Det er god sti heilt til du skal til på siste bakken opp mot toppen. Her må du berre sikte deg inn mot toppen og gå oppover i terrenget. Ruta frå Homborsetsætra til Hornet er merka med merkepinnar i trea og merkestaur

Tilkomst og parkering

Frå Volda sentrum følger du E39 til ei rundkøyring like etter Volda Campus arena. Ta av mot Stryn, og køyr gjennom Rotsethorntunnelen. Like før neste tunnel (Hjartåbergtunellen) tek du av mot Hjartåbygda (Hjartåbygdvegen). Parkeringsplass like etter avkøyringa.
Fottur
Blå
Lengde
4 km tur/retur
Stigning
643 m
Tidsbruk
2 t. 50 min.
Høyeste punkt
687 moh

Løype på kart

Val for kartet:

Underlag Lengde i km
Sti 4

Offentleg transport

Sjå etter ruter Volda-Stryn på http://www.nettbuss.no/

Anna

Du kan også starte turen i austenden av Rotevatnet.

Kart

Sunnmørsalpane. Nærturkart Volda
Køyreskildring
Print ut