Horndalsvatnet

Horndalsvatnet er eit fint turmål som passar for heile familien. Det er skogsveg heile vegen, litt av eldre dato og litt av nyare dato. Her er flott når sola skin og trolsk når det er gråver.

Frå p-plassen: Følg vegen vidare langs vatnet til du kjem til ein skogsveg ved ei turtavle og skilt. Følg skogsvegen; det er skilta. Ved bommen følger du den litt eldre skogsvegen (skilta). Følg denne skogsvegen heile vegen til Horndalsvatnet. Undervegs passerer du skilt til Skarphornet og Homborsetsætra. Du skal ikkje ta av i nokon av desse retningane, men følge "hovudvegen" heile vegen opp til vatnet. Du kan følge same veg tilbake eller følge ruta som er skildra her: Følg same veg som du kom i ca. 1 km. Når du kjem til ein skogsveg som går til venstre følger du denne og du kjem over på den nyare skogsvegen i Høgedalen. Følg den nedover til du er nede att ved start. Det er fine utsiktspunkt undervegs.

Frå Volda sentrum køyr E39 i retning Stryn. I ei rundkøyring ved høgskulen tek du av mot Vikebygda på Vikebygdvegen. Etter om lag 1,5 km: ta av ned mot Vassbotnen. Følg vegen til badeplassen Botnassanden. Her kan du parkere. Botnasanden fekk ei oppgradering i 2023 og har blitt ei flott perle. Her er det også toalettbygg.