Høystakken / Breiteigsfjella – rute 44 – frå Syvde til Høystakken / Breiteigsfjella

Dette er ein spesiell tur der ein etter å ha gått i lett og greitt terreng møter ein fantastisk utsikt mot fjord, fjell og hav når ein kjem fram til platået rett over Høystakken. 

Turen går i starten på veg som vanlegvis er snødekt om vinteren. Etterpå går turen i lett og ope terreng. Det er ingen bratte bakkar eller vanskelege parti undervegs.Alt etter om ein kan køyre den første delen av fjellvegen eller ikkje er denne turen vel 1 mil lang kvar veg. Terrenget er lett og rassikkert, og det er flott utsikt i fleire himmelretningar under heile turen. Og når ein kjem fram på platået rett over Høystakken får ein oppleve ein svært sjeldan blanding av fjellvidder, fjelltoppar, alpine formasjonar, kystlandskap og hav.