Hildrehesten frå Brattvåg

Flott utsikt frå toppen til Nordøyane og skipsleia i tillegg til godt utsyn til Hildre, Alvestad, Brattvåg og Hellandshamn. Flott tur å gå langs ryggen på Hildrehesten vidare mot Grytastranda/Gjerset med eventuell retur gjennom Gjersetdalen og vidare langs Synnalandsvatnet tilbake til utgangspunktet. Toppen av Hildrehesten

Start frå demninga i nordenden av Synnalandsvatnet i Brattvåg. Bratt bakke opp forbi vassverket før det flater ut og følger strandlinja til Hestevatnet. I vestkanten av Hestevatnet forlet stien strandlinja og ein følger stien over myrane opp til Lisje Hestevatnet som ligg ved foten av Grønebakken opp til Hildrehesten. Følg sti opp Grønebakken (bratt parti). På toppen av Grønebakken dreier stien mot venstre og held fram i litt slakkare tereng mot toppen som ligg på 740 moh. Godt råd å ha hund i band på grunn av at det er svært bratt på austsida av toppen (mot Brattvåg/Hellandshorn)

Frå Brattvåg sentrum kjører ein opp til byggefeltet Fjellbu. Parker ved demninga i nordenden av Synnalandsvatnet. Parkeringsplass ved demning i nordenden av Synnalandsvatnet.