English

Hestvika

Ålesund

Kort om turen

Ein lett tur for både små og store i eit lett tilgjengeleg turområde. Du kjem vekk frå trafikken i sentrum og kan nyte den fine utsikta til Ørskogvika og Ørskogbygda. Sola skin til langt på kveld om sommaren. Du kan få fine naturopplevingar både med blomar og tre, fuglar, ikorn og andre dyr. Til og med grevling har vore observert! Populær stad til bærplukking. På berga nede ved sjøen kan det vere fint å prøve fiskelukka.Vegen som fører til Hestvika er bygd i samband med tømmerhogst i dette området. Du kan ha med barnevogn på denne turen. Dersom målet for turen er StikkUT-posten i Hestvika, tek du av frå skogsbilvegen etter 1,4 km. Etter 100 m på sti finn du postkassa på ein furulegg. Sjølve skogsvegen endar på ein stor lunneplass der det er utplassert ein kvilebenk.

Rutebeskrivelse

Frå parkeringa sør for fotballbana startar turen mot syd, forbi Sjøholt Camping og vidare vestover langs Ørskogvika. God skogsveg fører fram mot dette turmålet, - siste stykket er det god og tilrettelagt sti ned mot svaberga og Stikk UT-posten. Terrenget er stort sett flatt men med nokre slakke bakkar. Vegstandarden gjer det lett framkomeleg både med barnevogn og sykkel. Du kan også møte bilar, men bom over vegen avgrensar biltrafikken.

Adkomst og parkering

Frå sentrum følgjer du skilting til Sjøholt Camping, forbi Ørskog kyrkje og Ørskog prestegard. Før Sjøholt skule svingar du først til høgre og så til venstre i retning Ørskoghallen og Ørskog stadion. Du kan parkere ved fotballbana.
Fottur
Grønn
Lengde
3 km tur/retur
Stigning
40 m
Tidsbruk
55 min.
Sesong
Høst

Løype på kart

Valg for kartet:

Underlag Lengde i km
Asfalt 0,6
Sti 0,2

Offentlig transport

Timeekspress til og frå Sjøholt sentrum.

Annet

Her er vanlegvis snøfritt frå april månad. I gamle dagar gjekk ein kyrkjeveg opp gjennom åssida her og over til Gausnesgarden.

Kart

Ørskogfjellet
Kjørebeskrivelse
Print ut