Harøyburet

Harøyburet er med sine 156 meter over havet Sandøy kommune sin høgaste topp, og herifrå får ein ei super utsikt over øyriket mot sør og mot nord.

Frå parkeringsplassen ved buss stopp "Myklebust ved tunnel (Ålesund)", følgjer ein grusvegen opp til stien. Stien går opp forbi bommen. Frå Hyrvedalen går dei første 50 meter bratt opp før stigninga roar seg, og ein får ei flott utsikt. Ein følgjer ein tydelieg sti oppover langsmed skråninga. Der stien delar seg held ein mot venstre for å gå den raskaste vegen opp. På toppen vil ein lett finne turpostkasse og registreringsbok frå Harøy idrettslag.

Alternativ rute til Harøyburet er frå gravstedet ved Breidalen. Sjå rutebeskriving til Lomstjørna ved Harøyburet. 

Lomstjørna ved Harøyburet (morotur.no)

Frå Møteplassen/gravstedet ved Breidalen går ein ca 300 meter bort til ein grusveg merka med Stikk UT! skilt. Hald til venstre og følg vegen opp til "fjellkanten" Breidalsaksla, og følg den flotte gruslagte stien heilt opp til Lomstjørna. Der er det eit vatn og ein sitjebenk. Du kan du gå stien vidare heilt opp til Harøyburet. 

Det er viktig å kle seg etter ver og føreforhold. Det vert ikkje strødd eller brøyta til turmålet. Ein er sjølv ansvarleg for å vurdere føret, og om turen let seg gjennomføre. 

Parkering ved buss stopp "Myklebust ved tunnel (Ålesund)". Frå skiltet ved hovedvegen går ein opp traktorvegen forbi Hagen. Stien startar enden av vegen.